يا اللي سالتني على الحب بالله يا خويا وعلاه
ما تحوس كاش ما تكتب و تقولي برك وين نلقاه
عييت نقلب شرق و غرب وين اقولولي نستناه
لقيتو كذب في كذب ما تلاقيتو ما عرفت معناه
لا قريب لا صاحب و لا حبيب نعيش معاه
حياتي كامل و انا نجري واحد ما لقيتو يسواه
ما نيش فاهمة هذا القلب و كانه ضد مولاه
يحب يشقى يحب يتعذب يحب الواحد اللي ينساه
و ساعات تلقاني نحب اللي يكرهني و نجري موراه
و اللي يحبني و ليا يقرب نهرب عليه ما فهمتش علاه
حاولي يا ختي كاش ما تكتبي الجواب راني نستناه
...........راح نحاول باش نجاوبك و ماراكيش وحدك حاصلة بالله
انتي قلبك راه مخرب و ماراكيش عارفة وين راه
ديري في بالك بلي هذا الحب اللي يهرب و النتي تجري موراه
و لما يجري و انتي تهربي عمرك ما تقعدي معاه
على خاطر هذا لعب مديور للي يتبع هواه
ما تنالي منو غير التعب ديريه كيما خيالك و نسايه
فرغي قلبك و عاودي رتبيه و خلي عقلك يخدم معاه
و قبل ما تحبي احسبي باش كي تمديه تمديه لمولاه
نبداو باول حب ......هو حب الله
اللي عطاك هذا القلب اللي تحوس باش تملاه
و بعد يجي ثاني حب هو حب الرسول عليه الصلاة و السلام .......
تعب وفرلك الدين باش تقراه
ومبعد الواحد يحب يماه تسع الشهور و هو يتقلب و هي مسكينة تتقلب معاه
و حب باباك شحال شقى و تعب باش كبر و رباه
و مبعد يجي حب الشريك اللي تعيش معاه
و مبعد يجي الطفل الصغير لعقوبتك تلقاه
و هذا الطفل سادس حب ما تحبش ولد دون سواه
و مبعد يجي سابع حب من رحم واحد انت و اياه
خوك خوك لا يغرك صاحبك في الصاحب في الشدة تلقاه
واللي سالتني على الحب بالنسبة ليا هذا معناه
و اذا ماعجبكش الله غالب روح تحوس وين تلقاه
الإثنين أبريل 13, 2009 3:08 pm